Komisioni Europian ka dhënë detaje se si planifikon t’i jap fund varësisë së gazit rus.

Rusia furnizon 40% të gazit natyror të BE-së dhe 27% të naftës së saj të importuar. BE-ja i dërgon vendit afërsisht 400 miliardë euro në vit në këmbim, transmeton portal arbresh.info

Tani Bashkimi Europian është duke planifikuar kalimin e saj drejt energjisë së gjelbër, por thotë se duhet të investojë gjithashtu në tubacione në vende tjera.

Ajo është akuzuar se ka ndihmuar në financimin e luftës në Ukrainë përmes përdorimit të saj të energjisë ruse.

Strategjia REPowerEU u njoftua për herë të parë në mars me synimin e deklaruar për të reduktuar importet e gazit rus me dy të tretat në vitin 2022.

Rritja e kostove të energjisë ka vënë gjithashtu presion financiar mbi konsumatorët dhe bizneset në Europë që tani përballen me fatura më të larta.

Propozimet e përditësuara përshkruajnë jo vetëm mënyrën se si BE planifikon të negociojë si krizën e menjëhershme të gazit, por edhe të përmbushë premtimet për të hequr dorë plotësisht nga energjia ruse deri në vitin 2030.

BBC shkruan se strategjia fokusohet në tre fusha kryesore.

Përmirësimi i efikasitetit të energjisë, zgjerimi i përdorimit të energjisë së rinovueshme dhe sigurimi i furnizuesve jo-rusë të naftës dhe gazit.

“Ne po e çojmë ambicien tonë në një nivel tjetër,” tha Presidentja e Komisionit Europian Ursula von der Leyen ndërsa prezantoi përditësimin në një konferencë në Bruksel, Belgjikë.

Plani REPowerEU vlerësohet të kushtojë 210 miliardë euro gjatë pesë viteve të ardhshme.
Raporti i Komisionit thekson kursimin e energjisë si mënyrën “më të lirë, më të sigurt dhe më të pastër” për të reduktuar varësinë nga karburanti rus./arbresh.info/